क्यानडाका सामानमा ५० प्रतिशतसम्म कर लगाउने ट्रम्पको घोषणा

काठमाडौं : अमेरिकी राष्ट्रपति डोनाल्ड ट्रम्पले क्यानडाबाट आयात हुने अटोमोबाइल्समा ५० प्रतिशतसम्म कर लगाउने घोषणा गरेका छन्। अमेरिका र क्यानडाबीच व्यापार सम्झौताका लागि भएको वार्ता असफल भएपछि ट्रम्पले थप कर लगाउने चेतावनी दिएका हुन्।

यसअघि नै अमेरिकाले क्यानडाका करिब २० अर्ब डलर बराबरका विभिन्न सामानमा ५० प्रतिशत कर लागू गरिसकेको छ। अगस्ट २२ देखि लागू भएको उक्त करअन्तर्गत मदिरा, फर्निचर, खेलकुद सामग्री, सिमेन्टलगायत विभिन्न वस्तु परेका छन्।