सिलिकन भ्यालीका टेक प्रमुखहरू प्रविधिका फ्यान, तर आफ्नै सन्तानलाई किन राख्छन् स्क्रिनबाट टाढा ?

काठमाडौं । बालबालिकाका लागि सामाजिक सञ्जाल हानिकारक छ । अमेरिकाका क्यालिफोर्निया, केन्टकी र न्यू मेक्सिको राज्यमा हालै भएका प्रविधिसम्बन्धी अदालतका मुद्दाहरूमा देखिएको निष्कर्ष यही हो । सिलिकन भ्यालीको प्रभाव र महत्वाकाङ्क्षा अहिलेसम्मकै उच्च बिन्दुमा पुगेका बेला त्यसकै एउटा प्रमुख उत्पादन सामाजिक सञ्जालले सन् १९९० को दशकतिर चुरोटले सामना गरेको जस्तै कानुनी मुद्दाको अवस्था भोगिरहेको छ ।

गत साता क्यालिफोर्नियाको ओकल्यान्डमा सामाजिक सञ्जालसम्बन्धी पछिल्लो मुद्दामा प्रारम्भिक बहस सुरु भयो । क्यालिफोर्नियासहित अन्य राज्यले फेसबुक र इन्स्टाग्रामको स्वामित्व रहेको कम्पनी मेटाविरुद्ध मुद्दा दायर गरेका छन् । उनीहरूले कम्पनीले ‘युवापुस्ता र किशोरकिशोरीलाई आकर्षित गर्न, लत लगाउन र अन्ततः आफ्नो प्रभावमा पार्न शक्तिशाली तथा अभूतपूर्व प्रविधिको प्रयोग गरेको’ आरोप लगाएका छन् ।