लण्डनबाट आयो तीजको सांस्कृतिक रंग

नेपालबाट हजारौँ किलोमिटर टाढा रहे पनि तीजको सांस्कृतिक भाव र नेपाली मौलिकतालाई प्रवासी भूमिमा जोड्ने प्रयासस्वरूप नयाँ सांगीतिक प्रस्तुति लण्डन तीज सार्वजनिक गरिएको छ।

अन्तर्राष्ट्रिय नेपाली कलाकार समाज इनास यूकेको पहलमा तयार भएको गीतको भिडियोमा लण्डनको परिवेशभित्र नेपाली तीजको सांस्कृतिक माहोललाई प्रस्तुत गरिएको छ। प्रवासमा रहे पनि नेपाली कला, भाषा र संस्कृतिसँगको सम्बन्धलाई निरन्तरता दिने उद्देश्यले भिडियो तयार गरिएको निर्माणपक्षले जनाएको छ।