छानबिन समिति गठन गर्न कोहलपुर नगरपालिका र सङ्घर्ष समितिबिच सहमति

बाँकेको कोहलपुर–११ स्थित शान्तिनगर क्षेत्रबाट विस्थापित भएको तीन महिनापछि फर्किएका बासिन्दा र कोहलपुर नगरपालिकाबिच वार्ता भएको छ। विस्थापितको व्यवस्थापनका लागि गठित सुकुम्वासी तथा अव्यवस्थित बसोबासी सङ्घर्ष समिति, कोहलपुर–बाँके र नगरपालिकाबिच सोमबार वार्ता भएको हो।

सङ्घर्ष समितिले यसअघि कोहलपुर नगरपालिकाले लगत सङ्कलन गरेका ७५१ भूमिहीन दलित, भूमिहीन सुकुम्वासी र अव्यवस्थित बसोबासीलाई जग्गाको पूर्ण स्वामित्व दिनुपर्ने माग गर्दै आएको छ। कोहलपुर नगर विकास समितिको स्वामित्वमा रहेको सरकारी जग्गा कुनै व्यक्तिले अतिक्रमण गर्न नपाउने र त्यहाँ अब कुनै पनि संरचना निर्माण गर्न नदिने नगरपालिकाको अडान छ।