स्टार्टअपलाई कर छुट सिफारिस गर्ने अधिकार केन्द्रलाई

काठमाडौँ- नयाँ प्रविधिमा आधारित स्टार्टअप र अनुसन्धान संस्थालाई कर छुट दिलाउने बाटो खुलाउने व्यवस्था विज्ञान तथा नवप्रवर्तन विधेयकमा प्रस्ताव गरिएको छ।

विज्ञान तथा नवप्रवर्तनमन्त्री महावीर पुनका अनुसार प्रोटोटाइप वा ‘मिनिमम भायबल प्रडक्ट’ बनाउन आवश्यक उपकरण वा कच्चा पदार्थ आयात गर्दा कर छुटका लागि मन्त्रालयले अर्थ मन्त्रालयमा सिफारिस गर्न सक्ने व्यवस्था गरिएको छ।