गरिमा हत्या प्रकरणः सरकारको शैलीमाथि संसदमा प्रश्न, बलात्कारमा कडा सजायको माग

काठमाडौं । बाराको सिमरा उपमहानगरपालिका–१ की तीन वर्षीया गरिमा चौधरीको बलात्कारपछि हत्या भएको घटनालाई लिएर प्रतिनिधिसभामा सरकारको कार्यशैलीमाथि गम्भीर प्रश्न उठेको छ ।

बालिका हराएपछि परिवारले समयमै प्रहरीलाई खबर गरे पनि खोजी तथा अनुसन्धानमा प्रभावकारी तदारुकता नदेखाइएको र घटनापछि पीडित परिवारसँग गरिएको सम्झौतालाई लिएर सांसदहरूले सरकारको आलोचना गरेका हुन् ।