सहमति कार्यान्वयनमा ढिलाइ भएपछि इन्टर्न चिकित्सकद्वारा पुनः आमरण अनशनको चेतावनी

काठमाडौं – सरकारसँग भएको सहमति कार्यान्वयनमा ढिलाइ भएको भन्दै एमबीबीएस तथा बीडीएस इन्टर्न चिकित्सकहरूले पुनः आमरण अनशन बस्ने चेतावनी दिएका छन्।

एमबीबीएस/बीडीएस इन्टर्न निर्वाह भत्ता आन्दोलनका संयोजक एवं अनशनरत चिकित्सक डा. डिल्ली हरिजनले विज्ञप्ति जारी गर्दै पूर्वसहमतिअनुसार तत्काल चिकित्सा शिक्षा आयोगको ‘फुल हाउस’ बैठक बोलाएर आवश्यक निर्णय गरी सहमति कार्यान्वयन गर्न माग गरेका हुन्।