स्पेस लिंकको नेटवर्क सेवा प्रदायकको अनुमतिपत्र रद्द

काठमाडौं । नेपाल दूरसञ्चार प्राधिकरणले बालुवाटारस्थित स्पेस लिंक प्रालिको नेटवर्क सेवा प्रदायकको अनुमतिपत्र स्वतः रद्द भएको जानकारी दिएको छ । तोकिएको समयसीमाभित्र अनुमतिपत्र नवीकरणका लागि नियमानुसार निवेदन पेश नगरेका कारण उक्त कम्पनीको इजाजतपत्र खारेज भएको हो ।

प्राधिकरणका अनुसार वि.सं. २०७८ साउन १७ गते अनुमतिपत्र (मि.ज. ६-३०) प्राप्त गरेको यस संस्थाले नवीकरण प्रक्रिया पूरा नगरेपछि दूरसञ्चार ऐन, २०५३ को दफा २५(५) बमोजिम साउन १७ गतेदेखि नै लागू हुने गरी अनुमतिपत्र स्वतः रद्द भएको हो ।