एकैपटक देखिए तीन हिउँ चितुवा, आहाराको खोजीमा गाउँ पसेको अनुमान [भिडियो]

डोल्पा। हिमाली जिल्ला डोल्पामा एकै पटक तीन ओटा हिउँ चितुवा देखिएका छन्। डोल्पो बुद्ध गाउँपालिका-१ धो तारापको मिर्बु खोला क्षेत्रमा एक माउ र दुई बच्चासहित तीन ओटा हिउँ चितुवा एकैसाथ देखिएका हुन् ।

वैकल्पिक ऊर्जा प्रवर्द्धनको क्षेत्रमा काम गर्दै आएका अर्घाखाँचीका इन्जिनियर रेशम नेपालीले धो तारापमा सोलार बत्ती जडान गर्ने क्रममा करिब ४० मिटरको दूरीबाट तीन ओटा हिउँ चितुवा देखेको बताए ।