यूएई पढ्न पठाउने नाममा विद्यार्थीलाई ठगी गर्ने ९ जना कन्सल्टेन्सी सञ्चालक पक्राउ

काठमाडौं । संयुक्त अरब इमिरेट्स (यूएई) का विभिन्न कलेजमा अध्ययन गर्न पठाई नेपाली विद्यार्थीहरूलाई ठगी गरेको अभियोगमा प्रहरीले ९ जना कन्सल्टेन्सी सञ्चालकहरूलाई पक्राउ गरेको छ।

केन्द्रीय अनुसन्धान ब्युरो (सीआईबी) ले काठमाडौँका विभिन्न स्थानमा कन्सल्टेन्सी सञ्चालन गरी बसेका उनीहरूलाई शुक्रबार पक्राउ गरेको हो। पक्राउ पर्नेहरूमा डिल्लीबजारस्थित ‘इड्युपोर्ट प्रालि’ का सञ्चालकहरू ४० वर्षीय रूपक कोइराला, ३७ वर्षीय राजेश भण्डारी र ३७ वर्षीय सन्तोष खतिवडा रहेका छन्।