व्यवसायीलाई थुनेर अर्थतन्त्र बलियो हुँदैन : मुख्यमन्त्री आचार्य

लुम्बिनी प्रदेशका मुख्यमन्त्री चेतनारायण आचार्यले उद्योगी–व्यवसायीलाई हतोत्साहित गरेर मुलुकको अर्थतन्त्र सुदृढ बनाउन नसकिने बताएका छन्।

नेपाल उद्योग वाणिज्य संघ लुम्बिनी प्रदेशको चौथो कार्यकारिणी समितिको पदस्थापना कार्यक्रमलाई आइतबार सम्बोधन गर्दै मुख्यमन्त्री आचार्यले निजी क्षेत्र मुलुकको आर्थिक मेरुदण्ड भएकाले त्यसको संरक्षण, प्रवर्द्धन र विकासमा प्रदेश सरकार सधैं साथमा रहने बताएका हुन्।