सामाजिक सञ्जाल र पत्रकारसँग एक वर्ष अन्तर्वार्ता नदिने महावीर पुनको घोषणा

काठमाडौ । विज्ञान, प्रविधि तथा नवप्रवर्तनमन्त्री तथा राष्ट्रिय आविष्कार केन्द्रका अध्यक्ष महावीर पुनले आगामी एक वर्षसम्म सामाजिक सञ्जाल र सञ्चारमाध्यमलाई अन्तर्वार्ता नदिने घोषणा गरेका छन्। उनले अत्यन्तै महत्वपूर्ण सार्वजनिक सरोकारका विषयबाहेक कुनै पनि अन्तर्वार्ता नदिने बताएका हुन्।

केही दिनअघि ट्राफिक नियम उल्लंघन गर्ने सवारी चालकलाई कडा जरिवाना गर्नुपर्ने सम्बन्धमा दिएको अभिव्यक्ति विवादमा परेपछि पुनले सामाजिक सञ्जाल फेसबुकमार्फत आफ्नो धारणा सार्वजनिक गर्दै यस्तो निर्णय सुनाएका हुन्।