प्रस्तावित निर्वाचन आयुक्तविरुद्ध १० दिनभित्र उजुरी दिन सकिने

काठमाडौं । संसदीय सुनुवाइ समितिले निर्वाचन आयोगको प्रमुख निर्वाचन आयुक्त र निर्वाचन आयुक्तका लागि सिफारिस गरिएका तीन जनाविरुद्ध उजुरी आह्वान गरेको छ।

समितिले आज शनिबार सार्वजनिक सूचना जारी गर्दै संवैधानिक परिषद्‌बाट सिफारिस गरिएका व्यक्तिहरूको नियुक्ति उपयुक्त छैन भन्ने कसैसँग ठोस आधार, प्रमाण वा सूचना भए १० दिनभित्र समितिमा उजुरी दिन आग्रह गरेको हो।