लामेन्सको गल्तीसँगै बेल्जियमको ‘स्वर्णिम पुस्ता’को अन्त्य

काठमाडौं । बेल्जियमको स्वर्णिम पुस्ताको विश्वकप जित्ने अन्तिम सपना पनि अधुरै रह्यो । सन् २०२६ फिफा विश्वकपको क्वार्टरफाइनलमा स्पेनसँग २–१ ले पराजित भएपछि रेड डेभिल्सका अनुभवी खेलाडीहरूको युग लगभग अन्त्य भएको छ ।

सन् २०१४ को ब्राजिल विश्वकपदेखि बेल्जियमका मुख्य आधार बनेका थिबाउट कोर्टुवा, रोमेलु लुकाकु, केभिन डी ब्रुइने र एक्सेल विट्सेलका लागि यो सम्भवतः विश्वकपको अन्तिम खेल थियो । तर, उनीहरूको अन्तिम अभियान नयाँ पुस्ताका गोलरक्षक सेन्ने लामेन्सको एक गल्तीका कारण दुःखद् रूपमा टुंगियो ।