एसिसी यु–१९ प्रिमियर कप: ‘देशले गर्व गर्ने प्रदर्शन गर्छौं’

नेपाली यु–१९ महिला क्रिकेट टोलीकी कप्तान सोनी पाख्रिनले छोटो तयारी भए पनि एसिसी यु–१९ महिला प्रिमियर कपमा देशले गर्व गर्ने प्रदर्शन गर्ने बताएकी छन्।

एसियन क्रिकेट काउन्सिल (एसिसी)को आयोजनामा मलेसियाको क्वालालम्पुरमा असार २७ गतेदेखि १० दिनसम्म यु–१९ महिला प्रिमियर कप आयोजना हुँदैछ। उक्त प्रतियोगिताका लागि नेपाली टोलीले १० दिनको प्रशिक्षणमार्फत तयारी गरेको हो।