अन्तर्वार्ता विवादित बनेपछि प्रविधिमन्त्री पुनले भने- अब १ वर्षसम्म युट्युबरसँग कुरा गर्दिनँ

काठमाडौं । विज्ञान, प्रविधि तथा नवप्रवर्तन मन्त्री महावीर पुनले ट्राफिक नियम उल्लङ्घन गर्नेलाई ५० हजार रुपैयाँ जरिवाना गर्नुपर्ने भनी दिएको आफ्नो विवादास्पद अभिव्यक्ति फिर्ता लिएका छन् । शनिबार फेसबुकमा स्टाटस राख्दै उनले आफ्नो भनाइबाट कसैलाई चोट पुगेको भए माफी समेत मागेका छन् ।

केही दिनअघि एक अन्तर्वार्ताका क्रममा मन्त्री पुनले नेपालीहरूलाई नियम पालना गराउन ‘तर्साउनु पर्ने’ र ५० हजारसम्म जरिवाना गर्नुपर्ने धारणा राखेका थिए । उक्त अभिव्यक्तिपछि सामाजिक सञ्जालमा उनको चर्को आलोचना भएको थियो ।