भोजपुरमा निर्माण व्यवसायी संघको साधारण सभा गराइदिन ठेकेदारले सीडीओ गुहारे

भोजपुर । भोजपुर जिल्लाका क्रियाशील निर्माण व्यवसायीहरूले जिल्ला निर्माण व्यवसायी संघको साधारणसभा र नयाँ नेतृत्व चयनका लागि पहल गरिदिन प्रमुख जिल्ला अधिकारी गुहारेका छन् ।

लामो समयदेखि संघको अधिवेशन र साधारणसभा नहुँदा व्यवसायीका समस्या ओझेलमा परेको भन्दै करिब ७० निर्माण कम्पनीका प्रतिनिधिहरूले संयुक्त रूपमा जिल्ला प्रशासन कार्यालय भोजपुरमा निवेदन बुझाएका हुन् ।