६ जिल्लामा ७ जना मृत फेला

देशका विभिन्न ६ जिल्लामा सात जना मृत अवस्थामा फेला परेका छन्। पर्सा, दोलखा, मकवानपुर, धादिङ, कपिलवस्तु र सल्यानका छुट्टाछुट्टै स्थानमा सोमबार र मंगलबार गरी सात जनाको शव भेटिएको हो।

प्रहरीका अनुसार पर्साको वीरगंज महानगरपालिका-२० हरपतगंजस्थित नहरमा सोमबार नाम, थर र वतन नखुलेका अन्दाजी ४० वर्षीय एक पुरुष मृत अवस्थामा फेला परेका छन्। यस्तै, दोलखाको मेलुङ गाउँपालिका-४ सिमखेत लामाटार बस्ने ६१ वर्षीय बिर बहादुर तामाङ छिमेकीको घरको बलेसीमा सोमबार मृत भेटिएका छन्।