बराबरीको प्रतिस्पर्धा

इङ्ल्यान्डले ६० वर्षदेखिको विश्वकप उपाधि खडेरी अन्त्य गर्न शनिबार मियामीमा नर्वेका गोल मेसिन एर्लिङ हालान्डको चुनौती सामना गर्दै छ।

सेमिफाइनल प्रवेश गर्ने लक्ष्यसहित हालान्डाको नर्वे र इङ्ल्यान्ड शनिबार राति अमेरिकाको मियामी सहरमा क्वार्टरफाइनलमा प्रतिस्पर्धा गर्दै छन्। तथ्यांक विश्लेषण गर्ने संस्था अप्टाको सुपरकम्प्युटरले यस विश्वकपका चारवटै क्वार्टरफाइनलमध्ये यही खेललाई सबैभन्दा प्रतिस्पर्धात्मक र बराबरीको भिडन्त मानेको छ। त्यसैले हालान्डको नर्वे र केनको इङ्ल्यान्डबीचको खेलमा उत्कृष्ट फुटबल देखिन सक्छ। मेक्सिको सिटीमा घरेलु समर्थकको उत्साहपूर्ण दबाब पार गर्दै इङ्ल्यान्ड क्वार्टरफाइनलमा पुगेको हो। त्यो इङ्ल्यान्डका लागि विश्वकप इतिहासकै उत्कृष्ट खेलमध्ये एक मानिएको छ। दक्षिण फ्लोरिडामा हुने यस खेलमा इङ्ल्यान्डलाई सेमिफाइनल पुग्ने प्रमुख दाबेदारका रूपमा हेरिएको छ। उत्कृष्ट लयमा रहेका ह्यारी केन र जुड बेलिङ्घमको प्रदर्शनले इङ्ल्यान्डको आत्मविश्वास झन् बढाएको छ। तर इङ्ल्यान्डको रक्षापंक्तिको कमजोरीलाई हालान्डले कडा परीक्षा दिन सक्छन्।