दक्षिणी फिलिपिन्समा आएको ‘बावी’ आँधीले कम्तीमा १५ जनाको मृत्यु

काठमाडौं । दक्षिणी फिलिपिन्समा दशकयताकै शक्तिशाली आँधीमध्ये एक मानिएको ‘बावी’ का कारण आएको पहिरोमा कम्तीमा १५ जनाको मृत्यु भएको छ ।

शक्तिशाली आँधीको प्रभावलाई मध्यनजर गर्दै ताइवान, जापान र चीनसहित पूर्वी एसियाका विभिन्न देशले उच्च सतर्कता अपनाएका छन् ।झण्डै एक हजार किलोमिटर क्षेत्रफलमा फैलिएको ‘बावी’ प्रशान्त महासागर हुँदै ताइवानतर्फ अघि बढिरहेको छ । यसको आकार फ्रान्स बराबर रहेको बताइएको छ ।