अस्पतालले भन्यो– गाँजा भेटिएको भ्यान हाम्रो होइन

१७ भदौ, विराटनगर । विराटनगरको दिव्य ज्योति अस्पतालले गाँजा बरामद भएको भ्यान अस्पतालको नभएको दाबी गरेको छ । मंगलबार राति प्रहरीले दिव्य ज्योति आँखा अस्पताल लेखिएको भ्यानबाट ६० किलो गाँजा बरामद भएको थियो ।

दिव्य ज्योति आँखा अस्पताल विराटनगरका सञ्चालक देवा यादवले बुधबार पत्रकार सम्मेलन गर्दै गाँजा बरामद भएको भ्यान अस्पतालको नभएको दाबी गरेका हुन् ।