नापीका सर्भेक्षकविरुद्ध ३ करोड ७१ लाखको भ्रष्टाचार मुद्दा

काठमाडौं । अख्तियार दुरुपयोग अनुसन्धान आयोगले नापी कार्यालय, नवलपरासी (बर्दघाट सुस्ता पश्चिम) मा सर्भेक्षक पदमा कार्यरत विन्देश्वर साह सुडीविरुद्ध ३ करोड ७१ लाख ८४ हजार ५ सय ५१ रुपैयाँ बिगो कायम गरी भ्रष्टाचार मुद्दा दायर गरेको छ ।

अख्तियारले बुधबार विशेष अदालत, काठमाडौंमा आरोपपत्र दायर गर्दै सुडीले आफ्नो वैधानिक आम्दानीभन्दा बढी खर्च तथा लगानी गरी स्रोत नखुलेको सम्पत्ति आर्जन गरेको दाबी गरेको हो ।