बाढी-पहिरोले देशका प्रमुख राजमार्ग प्रभावित: कतै पूर्ण ठप्प, कतै रात्रिकालीन यात्रामा रोक

अविरल वर्षा, बाढी तथा पहिरोका कारण देशका विभिन्न प्रदेश जोड्ने प्रमुख राजमार्ग तथा सडक खण्डहरू प्रभावित भएका छन्।

नेपाल प्रहरीले सोमबार अपराह्न ४ बजेसम्म अद्यावधिक गरेको विवरणअनुसार कोशी, बागमती, गण्डकी र कर्णाली प्रदेशका विभिन्न सडक खण्डमा पूर्ण तथा आंशिक अवरोध हुनुका साथै केही संवेदनशील सडकमा रात्रिकालीन सवारी सञ्चालनमा रोक लगाइएको छ।