च्याटजीपीटीमार्फत रुसी दुष्प्रचार : टेलिग्राम, एआई भिडियो र थिंक ट्यांक सबै नक्कली

रुसको एउटा सानो समूहले भीपीएन प्रयोग गरेर आफ्नो पहिचान लुकाउँदै च्याटजीपीटीका एकाउन्टमार्फत विभिन्न भाषामा प्रचार सामग्री तयार गरिरहेको ओपनएआईको सुरक्षा अनुसन्धानले देखाएको छ ।

मंगलबार सार्वजनिक गरिएको विस्तृत रिपोर्टअनुसार तीमध्ये अधिकांश सामग्री अंग्रेजीमा थिए । आफू रुसी भएको छनक नदेखियोस् भनेर सञ्चालनकर्ताले च्याटजीपीटीलाई भाषाको शैली परिवर्तन गर्नसमेत निर्देशन दिने गरेका थिए ।