हर्क साम्पाङलाई नेता मानेर दोस्रो बन्न आएको हुँ, पहिलो हुने महत्त्वाकांक्षा छैन: सुदन किराती

श्रम संस्कृति पार्टीका वरिष्ठ नेता सुदन किरातीले आफू हर्क साम्पाङलाई पार्टी अध्यक्ष तथा नेता स्वीकारेर दोस्रो भूमिकामा काम गर्न आएको बताएका छन्।

इलाम नगरपालिका-५ बरबोटेमा आयोजित पार्टीको जनहातेमालो कार्यक्रमलाई सम्बोधन गर्दै उनले आफूमा पार्टीको पहिलो व्यक्ति बन्ने कुनै चाहना नरहेको सुनाए।