सुकुम्बासीको व्यवस्थापनमा सरकार असफल भयो : एमाले महासचिव पोखरेल

नेकपा एमालेका महासचिव शंकर पोखरेलले सरकारले सुकुम्बासीको उचित व्यवस्थापन नगरी घरबारविहीन बनाएको बताएका छन्। शनिबार सामाजिक सञ्जालमार्फत उनले आमसञ्चार माध्यममा आएका विस्थापित नागरिकका पीडाहरू अत्यन्त गम्भीर, हृदयविदारक र संवेदनशील रहेको बताएका हुन्।

उनले सरकारले एकातर्फ सुकुम्बासी बस्ती हटाएको र अर्कोतर्फ होल्डिङ सेन्टरसमेत प्रभावकारी रूपमा सञ्चालन गर्न नसक्दा सुकुम्बासीहरु समस्यामा परेको बताएका हुन्।