डिशहोमलाई पछि पार्दै भायानेट बन्यो नेपालको तेस्रो ठुलो इन्टरनेट सेवाप्रदायक, टेलिकमलाई घाटा !

काठमाडौं । नेपालको इन्टरनेट बजारमा तीव्र प्रतिस्पर्धाबिच भायानेट कम्युनिकेसनले डिशहोमलाई उछिन्दै नेपालको तेस्रो ठुलो इन्टरनेट सेवाप्रदायकको स्थान हासिल गरेको छ । नेपाल दूरसञ्चार प्राधिकरणले हालै सार्वजनिक गरेको साउन २०८३ को एमआईएस प्रतिवेदन अनुसार, भायानेटले आक्रामक बजार विस्तार गर्दै आफ्ना कुल ग्राहक सङ्ख्या ३,७९,६९६ पुर्‍याएर तेस्रो स्थान सुरक्षित गरेको हो ।

यसअघि असार २०८३ सम्म डिशहोम झिनो अन्तरले तेस्रो स्थानमा रहे पनि साउन महिनामा भायानेटले ५ हजार ८ सय ४५ नयाँ ग्राहक थपेसँगै यो समीकरण फेरिएको हो । यस अवधिमा डिशहोमको वृद्धि भने निकै सुस्त देखिएको छ ।