इन्धनको मूल्य घटेसँगै वस्तु तथा सेवाको मूल्य घटाउन सरकारको आग्रह

काठमाडौं । वाणिज्य, आपूर्ति तथा उपभोक्ता संरक्षण विभागले इन्धनको मूल्यमा आएको गिरावटसँगै बजारमा दैनिक उपभोग्य वस्तु तथा सेवाको मूल्य पनि घटाउन व्यवसायीहरूलाई आग्रह गरेको छ।

विभागले विज्ञप्ति जारी गर्दै मध्यपूर्वमा देखिएको संकट सामान्य हुँदै गएपछि नेपाल आयल निगमले पेट्रोलियम पदार्थको मूल्यमा उल्लेख्य कटौती गरेको सन्दर्भमा यस्तो आग्रह गरेको हो। निगमले गत असार १६ गते मंगलबारदेखि लागू हुने गरी इन्धनको मूल्य घटाएको थियो।