‘रेडबुल १३औँ कृति अवार्ड्स’को घोषणा, २४ नयाँ विधामा प्रतिस्पर्धा

काठमाडौं– नेपालको विज्ञापन तथा सञ्चार क्षेत्रमा प्रतिष्ठित मानिने ‘कृति अवार्ड्स २०८३’ को १३औँ संस्करण आयोजना हुने भएको छ। यस वर्षको कार्यक्रम रेडबुल इनर्जी ड्रिंक्सको मुख्य प्रायोजनमा ‘रेडबुल १३औँ कृति अवार्ड्स २०८३’ नामकरण गरिएको छ।

विज्ञापन संघ नेपाल (आन)को आयोजनामा आगामी महिना अवार्ड समारोह आयोजना गर्न लागिएको हो। कार्यक्रममा नेपाल मिडिया सोसाइटी, मिडिया एलायन्स नेपाल, ब्रोडकास्टिङ एसोसिएसन अफ नेपाल (बान), एकोर्याब तथा ब्रोडकास्टर्स फोरम सह–आयोजकका रूपमा सहभागी छन्।