सुशासन र समृद्धिका लागि अहोरात्र खटिएका छौं, अहंकार बढे खबरदारी गर्नुस् : रास्वपा सचेतक परियार

राष्ट्रिय स्वतन्त्र पार्टी (रास्वपा) का संसदीय दलका सचेतक प्रकाशचन्द्र परियारले सुशासन, आत्मनिर्भरता र समृद्धिको लक्ष्यसहित आफूहरू शपथ ग्रहणकै दिनदेखि निरन्तर काममा जुटिरहेको बताएका छन्।

मंगलबार राष्ट्रिय प्रेस क्लब (एनपीसी) मा आयोजित साक्षात्कार कार्यक्रममा बोल्दै परियारले सम्मानजनक मध्यम आय भएको आत्मनिर्भर नेपाल निर्माण गर्ने रास्वपाको लक्ष्य सामान्य नभएको बताए। जनतासामु गरिएको प्रतिबद्धताअनुसार काम, परिणाम र सुशासन सुनिश्चित गर्न पार्टी तथा सरकार निरन्तर क्रियाशील रहेको उनको दाबी थियो।