उद्धव थापाको प्रस्टोक्ति :  मलाई पदको लोभ छैन, कसैको एक पैसा खाएको छैन

हेटौँडा। राष्ट्रिय प्रजातन्त्र पार्टी (राप्रपा) बाट कारबाही भोगेका बागमती प्रदेश संसदीय दलका नेता उद्धव थापाले आफूमाथि लागेका विभिन्न आरोपहरूको खण्डन गरेका छन् ।

मंगलबार बसेको बागमती प्रदेशसभा बैठकलाई सम्बोधन गर्दै नेता थापाले आफू पदको लोभी नभएको र राजनीतिक जीवनमा अहिलेसम्म कसैको एक पैसा पनि बेइमानी नगरेको बताए ।