खोज–उद्धारसँगै पुनर्निर्माणमा सर्वदलीय संयन्त्र

काठमाडौं ।भोटेकोसी क्षेत्रमा देखिएको प्राकृतिक विपत्तिपछि त्यसको सामना गर्न राजनीतिक दलहरूले संयुक्त रूपमा अघि बढ्ने प्रतिबद्धता जनाएका छन्। राष्ट्रिय स्वतन्त्र पार्टी (रास्वपा)को पहलमा बिहीबार बसेको सर्वदलीय बैठकले उद्धार, राहत तथा विपद् व्यवस्थापनमा सरकारलाई सहयोग गर्ने निर्णय गरेको हो।

बैठकमा संसद्मा प्रतिनिधित्व गर्ने तथा बाहिर रहेका दलका नेताहरू सहभागी थिए। उनीहरूले तत्काल उद्धार र राहतलाई प्राथमिकता दिँदै विपद्पछिको पुनर्निर्माणलाई व्यवस्थित बनाउन संसदीय संयन्त्र गठन गर्नुपर्नेमा जोड दिएका छन्।