पुराना दललाई झुटा आरोप लगाएर भ्रम छरियो, परिणाम नआउँदा निराशा बढ्यो : महेश बस्नेत

काठमाडौँ । नेकपा एमालेका नेता महेश बस्नेतले पछिल्लो समय लगातार भइरहेका आत्मदाहका घटनाहरू र त्यसबाट उत्पन्न परिस्थितिलाई लिएर चिन्ता व्यक्त गरेका छन्। सामाजिक सञ्जाल फेसबुकमा एक पोस्ट गर्दै उनले नागरिकहरूमा निराशा, आक्रोश र असहायपन बढ्नुमा वर्तमान बालेन सरकार जिम्मेवार रहेको आरोप लगाएका हुन्।

नेता बस्नेतले हिजो गणेश नेपालीको आत्मदाहको घटनाबाट उत्पन्न आक्रोश बढिरहेका बेला फेरि सर्लाहीको गोडैता नगरपालिकाका २५ वर्षीय विवेक मण्डल र काठमाडौँको बुद्धनगरमा ४५ वर्षीय अश्विन राउतले आफ्नै शरीरमा पेट्रोल खन्याएर आत्मदाहको प्रयास गरेको खबर आएको उल्लेख गरेका छन्। यी घटनाहरू अत्यन्त दुःखद भएको बताउँदै उनले सबै घाइतेहरूको शीघ्र स्वास्थ्य लाभको कामना गरेका छन्।