कीर्तिपुर होल्डिङ सेन्टरबाट विस्थापितलाई स्मृति भवनमा सारियो [तस्वीरहरू]

अविरल वर्षापछि आएको बाढीका कारण कीर्तिपुरस्थित होल्डिङ सेन्टर डुबानमा परेपछि त्यहाँ आश्रय लिइरहेका सुकुम्बासीहरू पुनः विस्थापित भएका छन्। प्रभावितहरूलाई हाल कीर्तिपुरस्थित स्मृति भवनमा अस्थायी रूपमा स्थानान्तरण गरिएको छ।

गएराति होल्डिङ सेन्टरभित्र पानी पसेपछि आश्रित परिवारहरूले आफ्ना सामान सुरक्षित स्थानमा सार्न थालेका थिए। घटनापछि सेन्टर क्षेत्रमा नेपाल प्रहरी र सशस्त्र प्रहरी बलको बाक्लो सुरक्षा व्यवस्था गरिएको छ।