रोजगारीको खोजीमा गएका तारासिंह बोहरा अब कहिल्यै नफर्कने गरी मातृभूमि आउँदै

काठमाडौं । परिवारको उज्ज्वल भविष्य बनाउने सपना बोकेर रोजगारीका लागि माल्टा पुगेका नेपाली युवा तारासिंह बोहरा अब कहिल्यै आफ्ना प्रियजनसँग बोल्न वा मुस्कुराउन फर्किने छैनन्। उहाँको निस्प्राण शरीर भने अन्ततः आफ्नै जन्मभूमिको काखमा फर्किने भएको छ।

गैरआवासीय नेपाली संघ (एनआरएनए) राष्ट्रिय समन्वय परिषद्, माल्टाका अनुसार आवश्यक सम्पूर्ण कानुनी तथा प्रशासनिक प्रक्रिया पूरा गरी १० जुलाई २०२६ मा स्वर्गीय बोहराको पार्थिव शरीर नेपाल पठाइएको छ। उहाँको पार्थिव शरीर आगामी १२ जुलाईको बिहान काठमाडौं आइपुग्ने जनाइएको छ।