धितोपत्र र बीमा कसुरमा फरार चार जना पक्राउ

धितोपत्र सम्बन्धी ऐन, २०६३ र बीमा ऐन, २०७९ अन्तर्गतको कसुरमा संलग्न भई फरार रहेका चार जना प्रतिवादीलाई नेपाल प्रहरीको केन्द्रीय अनुसन्धान ब्यूरो (सीआईबी) ले पक्राउ गरेको छ।

नेपाल धितोपत्र बोर्ड र नेपाल बीमा प्राधिकरणको प्रारम्भिक जाँचबुझ प्रतिवेदनसमेतका आधारमा अनुसन्धान भइरहेको उक्त कसुरमा संलग्न चार जनालाई पक्राउ गरी काठमाडौं जिल्ला अदालत, बबरमहलमा पेस गरिएको सीआईबीले जनाएको छ।