गौशाला, कोटेश्वर र कीर्तिपुरबाट ९ जना पक्राउ

काठमाडौंका विभिन्न स्थानबाट लागुऔषध खैरो हेरोइनजस्तो देखिने पदार्थ बिक्री तथा सेवनमा संलग्न रहेको आरोपमा प्रहरीले ९ जनालाई पक्राउ गरेको छ।

जिल्ला प्रहरी परिसर काठमाडौंका अनुसार पक्राउ परेकाहरूको साथबाट ७७.६१ ग्राम खैरो हेरोइनजस्तो देखिने पदार्थ, ७६ हजार रुपैयाँ नगद, दुई थान डिजिटल तराजु र पाँच थान मोबाइल बरामद भएको छ। पक्राउ परेकामाथि लागुऔषधसम्बन्धी कसुरमा काठमाडौं जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ।