कांग्रेस उपसभापति पुष्पा भुसाल कोरियामा

सोल । नेपाली कांग्रेसकी उपसभापति पुष्पा भुसाल नेपाली जनसम्पर्क समिति दक्षिण कोरियाको सातौँ अधिवेशनमा सहभागी हुन शनिबार दक्षिण कोरिया आइपुगेकी छन्।

उनलाई इन्चोन अन्तर्राष्ट्रिय विमानस्थलमा नेपाली जनसम्पर्क समिति दक्षिण कोरियाका सभापति भजिन्द्र बहादुर क्षेत्री, उपसभापति लक्ष्मण दाहाल, पदाधिकारी, कार्यसमिति सदस्य तथा कोरियामा रहेका नेपाली समुदायका सदस्यहरूले स्वागत गरेका थिए। स्वागत कार्यक्रममा विभिन्न क्षेत्रबाट आएका नेपाली कांग्रेसका शुभेच्छुक, जनसम्पर्क समितिका नेता–कार्यकर्ता तथा ठुलो सङ्ख्यामा नेपाली समुदायको सहभागिता रहेको थियो।