रसुवाका सुरुङभित्र फसेकाहरूको उद्धारमा सेनाको गम्भीर चेतावनी, ‘२–३ दिन होइन, ३–४ महिना लाग्न सक्छ’

रसुवाको विनाशकारी बाढीपछि जलविद्युत् आयोजनाका सुरुङभित्र फसेका मानिसहरूको उद्धार झन् कठिन बन्दै गएको छ। उद्धारमा खटिएको नेपाली सेनाले तत्काल उद्धार सम्भव नदेखिएको र केही सुरुङमा काम पूरा गर्न ३ देखि ४ महिनासम्म लाग्न सक्ने चेतावनी दिएको छ।

रसुवाका विभिन्न जलविद्युत् आयोजनाका सुरुङमा बाक्लो दलदल, हिलो र बाढीले ल्याएको ढुंगा तथा माटो भरिएका कारण उद्धार टोलीलाई भित्र पस्नै कठिन भइरहेको छ। कतिपय सुरुङमा ३ देखि ४ मिटरसम्म बाक्लो दलदल जमेको उद्धार टोलीले जनाएको छ।