सुकुम्बासी व्यवस्थापनमा सरकार असफल भएको एमाले महासचिव पोखरेलको आरोप

नेकपा (एमाले)का महासचिव शंकर पोखरेलले सुकुम्बासी तथा अव्यवस्थित बसोबासीको समस्या समाधानमा सरकार असफल भएको आरोप लगाउँदै उनीहरूको पीडाप्रति संवेदनशील बन्न आग्रह गरेका छन्।

सामाजिक सञ्जालमार्फत धारणा सार्वजनिक गर्दै पोखरेलले सरकारले सुरक्षित राख्ने नाममा नागरिकलाई घरबारविहीन बनाएको र विस्थापित सुकुम्बासी तथा अव्यवस्थित बसोबासीले सार्वजनिक गरेका पीडा अत्यन्त गम्भीर, हृदयविदारक र संवेदनशील रहेको बताएका छन्।