रेलिङमा ठोक्किएर दुर्घटनामा परेको बीवाईडी एट्टो-२ को भिडिओ बिस्फोट भएको दाबीसहित टिकटकमा भाइरल

काठमाडौँ । बाराको सिमरामा बीवाईडी ब्रान्डको नयाँ ईभी (विद्युतीय गाडी) पड्किएको दाबी सहित सामाजिक सञ्जालमा एक भिडिओ भाइरल भइरहेको छ । सामाजिक सञ्जालमा गाडी पड्किएको भन्दै प्रचार गरिएको पनि उक्त दाबीमा सत्यता नरहेको प्रहरीले बताएको छ ।

टिकटकमा ‘Kalyani_garden’ ले शनिबार साँझ ३४ सेकेन्ड लामो भिडिओ सार्वजनिक गरेकी थिइन् । भिडिओमा बीवाईडीको एट्टो-२ मोडेलको दुर्घटनाग्रस्त गाडी देखिन्छ । नम्बर प्लेट नभएको उक्त गाडीको अगाडिको भागमा क्षति पुगेको छ । मानिसहरू वरपरबाट गाडीलाई घेरा हालेर हेरिरहेका छन् ।