बढ्यो दुर्घटना जोखिमः तर सकिएनन् चक्रपथका जेब्रा क्रसिङ र आकाशे पुल निर्माण

काठमाडौँ । चक्रपथअन्तर्गत पर्ने आकाशे पुल र जेब्रा क्रसिङको निर्माण कार्य समयमै पूरा नहुँदा सडक दुर्घटनाको जोखिम बढ्दै गएको छ ।

करिब एक दशक बित्न लाग्दा समेत यी पुलहरू सम्पन्न हुन सकेका छैनन् भने भइरहेका निर्माणमा समेत विभिन्न त्रुटिहरू देखिएका छन् । लामो समयदेखि निर्माणाधीन अपाङ्गमैत्री भनिएको पुलको काम अझै नसकिँदा र सडकको दुवैतर्फ निकासको उचित व्यवस्था नहुँदा पैदलयात्रीहरू जोखिमपूर्ण रूपमा बाटो काट्न बाध्य छन् ।