मतदातामा उत्साह देखिएन, अपेक्षाभन्दा कम खस्यो

उद्योग वाणिज्य संघ इटहरीको निर्वाचनमा शनिबार भएको मतदातामा उत्साह देखिएन् । कुल मतदाता दुई हजार ३१९ मध्ये एक हजार ५४३ मत मात्र खसेको निर्वाचन समितिले जनाएको छ ।

निर्वाचनमा दुईवटा प्यानल बनाएर उम्मेदवारबिच प्रतिस्पर्धा भएको थियो । उम्मेदवारहरुले कम्तीमा एक हजार नौं सय हाराहारी मत खस्ने अनुमान गरे पनि मतदान अपेक्षाभन्दा कम भएपछि यसको प्रभाव निर्वाचन परिणाममा समेत पर्ने देखिएको छ । ‘७७६ जना मतदाता मतदान गर्नै नआउनुमा एकातिर असार महिनाको व्यस्त समय, व्यवसायीहरूले बैंक तथा वित्तीय संस्थाको ब्याज बुझाउनुपर्ने दबाब र असार मसान्तको हिसाब–किताब मिलाउने (क्लोजिङ) चटारो नै हो,’ पूर्व अध्यक्ष भीम पौडेलले भने । शनिबार गर्मी भएका कारण पनि केही मतदाता मतदान गर्न नगएको अनुमान गरिएको छ ।