एमसीए–नेपालद्वारा दुई नयाँ सबस्टेसन र २९७ किमि प्रसारण लाइन निर्माणको शुभारम्भ

काठमाडौँ । मिलेनियम च्यालेन्ज एकाउन्ट नेपाल विकास समिति (एमसीए–नेपाल) ले नेपालको ऊर्जा क्षेत्रको विकास र क्षेत्रीय ऊर्जा व्यापारलाई सुदृढ बनाउने उद्देश्यका साथ दुईवटा नयाँ सबस्टेसन र २९७ किलोमिटर लामो विद्युत प्रसारण लाइन निर्माण कार्यको औपचारिक शुभारम्भ गरेको छ।

नुवाकोटको रातमाटेमा आयोजित एक विशेष समारोहका बीच एमसीसी नेपाल कम्प्याक्ट अन्तर्गतका यी महत्त्वपूर्ण आयोजनाहरूको निर्माण सुरु गरिएको हो।