‘सरकारलाई कमजोर होइन, प्रभावकारी बनाउन प्रश्न गरेका हौं’ : कांग्रेस नेता आङदेम्बे

नेपाली कांग्रेसका संसदीय दलका नेता तथा प्रतिनिधिसभा सदस्य भिष्मराज आङदेम्बेले रसुवाको भोटेकोशी बाढीपछि सरकारको उद्धार तथा राहत कार्यबारे गम्भीर प्रश्न उठाउँदै सरकारलाई कमजोर बनाउन नभई प्रभावकारी बनाउन खबरदारी गरिएको बताएका छन्।

बुधबार बसेको प्रतिनिधिसभाको बैठकमा बोल्दै आङदेम्बेले बाढी प्रभावित क्षेत्रबाट फर्किएपछि आफूले प्रधानमन्त्री बालेन्द्र शाहलाई भेटेर नौबुँदे ध्यानाकर्षण गराएको जानकारी दिए। सभामुखलाई समेत भेटेर संसद् तत्काल आह्वान गरी विपद्को विषयमा छलफल गर्न आग्रह गरेको उनले बताए।