पहिलो पटक सांसदलाई सुन्दै प्रधानमन्त्री

मुलुकको कार्यकारी प्रमुखको जिम्मेवारी सम्हालेको पाँच पहिनापछि प्रधानमन्त्री बालेन्द्र शाहले पहिलो पटक संसद्मा उभिएर सांसदका प्रश्नहरू सामना गर्ने भएका छन्। लामो पर्खाइ र संसदीय रस्साकस्सीपछि प्रधानमन्त्री शाह प्रतिनिधिसभा बैठकमा सांसदका प्रश्नको जवाफ दिन तयार भएका हुन्।

कुनै कारणले पूर्वनिर्धारित कार्यक्रम नरोकिए प्रधानमन्त्री शाहले बुधबार बस्ने प्रतिनिधिसभा बैठकमा सांसदहरूले यसअघि नै टिपाएका लिखित प्रश्नहरूको जवाफ रोस्ट्रममा उभिएर दिने छन्। प्रतिनिधिसभा नियमावली, २०८३ को परिच्छेद ९ बमोजिम सांसदले सोधेका प्रश्नको जवाफ दिने कार्यसूची तोकिएको हो।