नर्वे र इङ्गल्याण्डको सुरुआती ११ सार्वजनिक, हालान्ड र केनले गर्दैछन् आ–आफ्नो टोलीको नेतृत्व

काठमाडाैँ । फिफा विश्वकप २०२६ को सेमिफाइनल प्रवेशका लागि अमेरिकाको मियामी स्टेडियममा हुन लागेको क्वार्टरफाइनल खेलका लागि नर्वे र इङ्गल्याण्डले आ(आफ्नो सुरुआती ११ सार्वजनिक गरेका छन् । नेपाली समय अनुसार शनिबार बिहान २ः४५ बजे सुरु हुने यस महत्त्वपूर्ण भिडन्तका लागि दुवै टोलीले आफ्ना मुख्य खेलाडीहरूलाई समेट्दै बलियो टोली मैदानमा उतारेका हुन् ।

नर्वेले इङ्गल्याण्डविरुद्ध मैदान उत्रिँदाको फर्मेसन प्रयोग गर्ने भएको छ। टोलीको गोलपोस्ट ओर्जान नाइलान्डले सम्हाल्नेछन् भने रक्षापङ्क्तिमा जुलियन राएर्सन, क्रिस्टोफर अजेर, लियो हेगेम र डेभिड मोलर वुल्फ रहनेछन्। त्यसैगरी मध्यपङ्क्तिमा स्यान्डर बर्गेले डिफेन्सिभ मिडफिल्डरको भूमिका निभाउनेछन् भने उनलाई मार्टिन ओडेगार्ड र प्याट्रिक बर्गले साथ दिनेछन्। नर्वेको अग्रपङ्क्ति सम्हाल्ने मुख्य जिम्मेवारी भने स्टार स्ट्राइकर अर्लिङ हालान्डसँगै अलेक्जेन्डर सोर्लोथ र आन्द्रेयास सेल्डरपको काँधमा रहनेछ ।