एमाले कार्यदलको सुझाव: १४ लाख मतदाता रोक्न वैचारिक, राजनीतिक र सांगठनिक सर्जरी अनिवार्य

काठमाडौं । नेकपा (एमाले) को निर्वाचन समीक्षा र पार्टी पुनर्गठन कार्यदलले पार्टीलाई नयाँ जीवन दिन आगामी असोज महिनामा राष्ट्रिय महाधिवेशन प्रतिनिधि परिषद्को बैठक बोलाउन सुझाव दिएको छ ।

एमाले उपाध्यक्ष रामबहादुर थापा ‘बादल’ नेतृत्वको निर्वाचन समीक्षा र पार्टी पुनर्गठन कार्यदलले सातै प्रदेशका नेता तथा कार्यकर्तासँग छलफल गरेको थियो। त्यसका आधारमा कार्यदलका सदस्य सचिव एवं एमाले महासचिव शंकर पोखरेललाई प्रतिवेदन लेखनको जिम्मा दिइएको थियो।