स्पेनी ला लिगा: रियल बेटिसको दोस्रो जित

काठमाडौं । स्पेनी ला लिगामा रियल बेटिसले शतप्रतिशत सुरुआत लिने क्रममा मंगलबार भ्यालेन्सियलाई १–० ले पराजित गरेको छ । खेलको एक मात्र गोल पाब्लो गार्सियाले ८३ औं मिनेटमा गरे । यो जितपछि बेटिसको दुई खेलबाट छ अंक भएको छ र दोस्रो स्थानमा छ ।

सेभियाको पनि दुई खेलबाट छ अंक रहेका छ र शीर्ष स्थानमा छ । भ्यालेन्सिया भने नयाँ सिजन जितविहीन रहेको छ र एक अंकमा सीमित रहेर १५ औं स्थानमा रहेको छ । बेटिसले लिगको आफ्नो पहिलो खेलमा पनि रियल सोसिडाडलाई एक गोलले नै पराजित गरेको थियो ।