ओखलढुङ्गामा विद्युत् सर्ट भई आगलागी : दुई घर जलेर नष्ट, २६ लाखको क्षति

ओखलढुङ्गा : ओखलढुङ्गाको सिद्धिचरण नगरपालिका–४, चार्खुमा मङ्गलबार साँझ विद्युत् सर्ट भएर आगलागी हुँदा दुईवटा घर जलेर पूर्ण रूपमा नष्ट भएका छन्। आगलागीबाट करिब २६ लाख रुपैयाँ बराबरको धनमाल क्षति भएको छ।

जिल्ला प्रहरी कार्यालयका अनुसार स्थानीय कोटमाया कार्कीको खरको छाना भएको दुईतले घरमा बिजुलीको तार सर्ट भएर आगलागी सुरु भएको थियो। उक्त आगो फैलिएर उहाँकी बुहारी ज्ञानकुमारी कार्कीको दुईतले घरमा समेत क्षति पुगेको हो।